Apartheidimik assersuussinini aalajangiusimavaa
Per Rosing-Petersenip Partii Naleqqap siulittaasua Hans Enoksen oqaloqatigereeraluarlugu oqaaseqaatigisani utertikkusulersimanngilaa.
Partiip siulersuisuunerisa ilaatigut apartheidimut sanilliussineq sapaatip akunnerata naanerani oqaloqatigiissutigissavaat. Per Rosing-Petersenillu tamanna isumakuluutiginagu erseqqissarpaa.
- Isummakka saqqummiutissavakka, taava eqqunngitsunik oqalussimaguma taava allat tamanna uppernarsartariaqarpaat. Taamaaliorsinnaappata oqaaserisakka utertissavakka. Aatsaalli taama pisoqarpat taamaaliussaanga. Inuuvunga pisimasunik soqutigisalik, Per Rosing Petersen AG-mut oqarpoq.
Aamma atuaruk Enoksen: Sakkortuumik avoqqaarliutigaarput
Taanna parteqatiminiinnaq isornartorsiorneqanngilaq. Per Rosing Petersenimi akeqqersimaartumik isumaqartoq, Justus Hansen Demokraatineersoq isumaqarpoq.
Tamannali Justus Hansenip pissutsinik qanoq isiginnittarneranut Per Rosing Petersenip takussutissaaginnarsoraa.
Aamma atuaruk Per Rosing-Petersenip nunatsinni pissutsit apartheidimut assersuuppai
