Antuut qujanaq, allanngueqataasimavutit
Anthon Frederiksenip Kattusseqatigiit Partiiata Inatsisartuni suleqataaqqittariaqarneranik kisiinnangajammi qineqqusaarnermi matumani sulissutigaa. Kingullermik qinersisoqarmat qinersisut 4 procentiinnaasa partii qinerpaat. Tamatumuuna Anthon Frederiksenip qinigassanngorteqataasalu 1 % angunngilaalluunniit.
Ilulissat kommunerisimasaani borgmesteriusimasup liberalkonservativimik isummersortaatsini ilungersuutigisimavaa. Tamanna 2009-mi qinersinerup kingorna IA Demokraatillu peqatigalugit naalakkersuisooqatigiinnut peqataalerneranik kinguneqarpoq, Anthon Frederiksenilllu naalakkersuisooqatigiit ukiuni sisamani atuuffiini avatangiisinut naalakkersuisuunini politikkikkut angusaata annersaraat.
Anthon Frederiksen nuna tamakkerlugu politikkimi takoqqissaneripput immaqa qularnakujuppoq, siunissamili kommunimi politikkikkut takussaaqilernissaa soorlu ilimanarsinnaagunarpoq.
