Annaassiniarneq: Sikorsuarni puulukeqqasut aaneqarniartut
Umiatsiamik angalaqatigiinnik Tasiilap qanittuani sikorsuarni puulukeqqasoqartoq, Kalaallit Nunaanni politiit ullaaq manna arfineq-marlunut qiteqquttoq kalerrinneqarput.
- Annaassiniarnissamik pilersaarusiuleruttorpugut, sikorsuaqarneralu pissutigalugu allatut iliorsinnaannginnatta qulimiguulimmik aaneqarnissaat sulissutigaarput, Kalaallit Nunaanni politiit pigaartuisa pisortaat Jaaku Andreasen oqarpoq.
Ippassaq aallarsimasut
Sikorsuarni puulukeqqasut taakkua umiatsiarlutik ippassaq aallarput.
- Atassuteqaatit attavilummata sortarpiaaniinnersut paasinngilarput, puulukeqqaffigisaasali nalaa nalunngilluaratsigu sumiinnersut eqqoriakkannersinnaavarput, navianartorsiuvissorpalunngillalli, politiit pigaartuisa pisortaat oqarpoq.
Puulukeqqasut annaassiniartartunit ullup ingerlanerani aaneqarumaartut ilimagigini annaassiniartartullu puulukeqqasut aanissaat pilersaarusiuleruttoraat, politiit pigaartuisa pisortaata aamma oqaatigaa.
Tamannali pillugu allamik oqaaseqarsinnaanani ilisimatitsivoq. Suliamili allami maqaasineqartumut Adamimut 49-inik ukiuliusumut tunngatillugu ilisimannittoqarpat takunnittoqarsimappalluunniit, taakkua Ilulissani politiinut attaveqaqquneqartut, tamatuma saniatigut ilisimatitsivoq. Adam arfininngormat kingullermik takuneqarput.
Adam pillugu suliamut tunngatillugu paasissutissaateqaruit Kalaallit Nunaanni politiit 70 14 48-imut sianerfigalugit attavigisinnaavatit.
