Anker Jørgensen toquvoq
Anker Jørgensen qanigisaminik najorneqarluni eqqissilluni toqusoq, parttip nalunaarutigaa.
Ministeriunerusimasoq Socialdemokraatini 1972-imit 1987-ip tungaanut siulittaasuuvoq, Danmarkimilu siullermik 1972-imit 1973-ip tungaanut ministeriuneruvoq, tullianilu 1975-imit 1982-imut ministeriunerulluni.
- Anker akornatsinniikkunnaarpoq. Oqaatsit taakku sungiuteqqaassavagut, paasiniarsareqqaatussaassallutigillu. Danmarkip partiit apeqqutaatinnagit 1900-kkunni oqaluttuarisaanerani Anker inuit malunnarnernut ilaavoq, Socialdemokraatit siulittaasuat Mette Frederiksen oqarpoq.
Anker Jørgensen Danmarkimi politikkikkut sulinermi nuiamerpaat ilaanniissimavoq, ilinniagaqarsimanngitsutut quersualerisutut tunuliaqutaqarpoq, sulisartullu suliniaqatigiiffiannut ilanngunnerata kingorna inunnit nuannarineqaqaluni politikerinngorpoq.
Socialdemokraatini siulittaasuunermini, ministeriunerminilu partiimi qanoq ingerlatsinissaanik sunniuteqartorujussuuvoq.
