Aningasaqarnerput inissiat aserorsinnaavaa
Tamanna Nunatta Aningaasaqarnermut Siuinnesuisooqatigiivinit erseqqissaatigineqartoq, Nunatsinni Sulisitsisut Peqatigiiffianni, GE-p pisortaata, Brian Buus Pedersenip isumaqatigalugu ajornartorsiutaanerarpaa.
- Nunatsinni init attartortinneqartartut danskit naalagaaffiannit akisussaaffigineerummata, taakku aserfallatsaaliorneqarnissaat eqqarsaatigalugit, aningaasanik immikkoortitsisoqarnissaanik siunnersuutit tusaaniarsimanngilagut, tassalu tamanna pillugu aningaasanik akiitsorpassuaqalernikuuvugut. Inissiaannaanngitsulli puigorsimavagut aamma mittarfeqarfiit iluarsartuunneqarnissaat sumiginnarsimavagut, GE-p pisortaa, Brian Buus Pedersen oqarpoq.
Aningaasaliinissat amigaataapput
Nunatsinni aningaasaqarnerput ilugersunartorsioraluartoq nunannaarutissartaqarpoq, tassa nunanut allanut akiitsut ikittuinnaaneri nuannaarutigisariaqarmat. Taamaakkaluartorli tassa init attartortinneqartartut sumiginnarsimaneri pissutaalluni tamanna aningaasartuutaassaaq annertuupilussuaq, Nunatta karsianit akilerneqarsinnaanngitsoq aningasarpassuarnik attartunngikkaanni, Brian Buus Pedersen oqarpoq.
- Aningaasaqarnermut Siunnersuisooqatigiit isumaqatigaakka oqarmata, aningaasaqarnerput maanna takusinnaasatitut ajornerusinnaalluartoq.
Nunatsinni Sulisitsisut peqatigiiffianni, GE-mi pisortaq, Brian Buus Pedersen taama oqarpoq.
