Nalunaarusiaq: Aningaasat killeqarput pingaarnersiuinissarlu pisariaqarpoq

Aningaasammi killeqarput pingaarnersiuinissarlu pisariaqarpoq.

2016-imut nuna tamakkerlugu pilersaarusiamut nassuiaat, Aningaasaqarnermut Naalakkersuisumit Randi Vestergaard Evaldsenimit saqqummissassaa, taama oqariartuuteqarpoq.

Nuna tamakkerlugu pilersaarusiamut nassuiaammik aaqqissuisoq, Klaus Georg Hansen naapertorlugu, sammisat marluk pinngaaruteqarput. Aningaasanillu aqutsineq taakkunani siulliuvoq.

- Najugaqarfiit tamaasa sunik tamanik tuninissaannut akissaqanngilagut, Klaus Georg Hansen taama oqarpoq.

Pingaarnersiuinermilu najugaqarfiit sorliit inuttunersaanersut aamma isiginiarneqartariarput.

- Kalaallit Nunaannut Innuttaasut ikiliartuutigalutik illoqarfinnut annernut nuuttartut amerliartorput. Tulleriiaarinissami aaamma tamanna eqqarsaatigisariaqarparpoq, Klaus Georg Hansen taama oqarpoq.

Nassuiaammi pingaartinneqartut allat pingasuupput, tassalu Namminersorlutik Oqartussat kommunillu akornanni akisussaaffinnik agguataarinissaq, kommunit amerlassusii angissusiilu, taavalu Namminersorlutik Oqartussat suliffeqarfii qanoq agguarneqassanersut, tassalu taakkua tulleriiaarinermi aamma ilasussatut siunniunneqartut.

Inuiaqatigiit isumalluutaat sapinngisamik sunniuteqartinniarlugit najugaqarfiit ineriartorfiusinnaasut aamma aningaasaliiffigineqarnerusalissapput.