Aningaasartuutikinnerulernissamut pilersaarut aallartippaat
Inissiinani tapersersuineq katsorsaanerlu suliassanut ilaanerussapput.
- Ilaqutariinnut tunngasunut aaqqeeqqinnissamut pilersaarut akueritipparput, tassani inissiinerit amerlanerit pinaveersaartinniarlugit ilaqutariit nukittorsarlugit allatut suliniuteqarnissaq saqqummiutereerlutigit akuerineqarput, Kommuneqarfik Sermersuumi Meeqqanut ilaqutariinnut atuarfeqarnermullu ingerlatsivimmi pisortaq Søren Valbak taama oqarpoq.
Aamma atuaruk Sermersuumi inissitat pingajorarterutaat tasiilameersut
Pilersaarutip ataani suliassaq aallartinneqareersoq tassaavoq ilaqutariit pingasut illumut ataatsimut inisseriarlugit meeqqat arfineq pingasut ilaqutariiaat meerartaat pillugit ataatsimoorlutik katsorsartinnissaat. Meeqqat ilaqutariinniiginnarnissaat tassani anguniagaavoq.
Tamannalu isumaqarpoq, meeqqat taakku inissinnerat kommunimut ukiumut 8 million koruuninik aningaasartuutaanani aningaasarpassuarnik atuineq appaallatsinneqarsinnaanera:
- Ilaqutariit tapersersorneratigut meeqqallu inissinnginneratigut ukiormanni aningaasat atukkat affaannanngortissinnaavagut, 2016-mi 2017-milu suli annikinninngorlugit, søren valbak oqarpoq.
Aamma atuaruk Meeqqanut inuusuttuaqqallu inissinneqartunut aningaarsartuuterpassuit
2014-mi kommuneqarfik Sermersuup ulloq unnuarlu inissiisarfinnuinnaq 102 million koruunit atorpaat. Meeqqanut inuusuttunullu ikiorsiisarnermut aningaasartuutit tamakkerlugit 168 million koruuniusimallutik.
