Aningaasaqarnermut politikkip sammivia allanngunngilaq
2009-ip kingorna suliffissaaleqisut aatsaat taama amerlatiginerat akuersaarneqanngilaq ullumikkummi nunatsinni suliffissaaleqisutut nalunaarsorneqarsimasut 2.566-upput.
Aningaasanut inatsisissatut siunnersuummi naalakkersuisut unammiligassaasa tamakku ilagaat, taamaammat suliffiit amerlanerusut pilersinniarneqarput.
- Suliffiit nutaat aatsitassarsiornermi pilersinneqarsinnaapput, aningaasarnermut naalakkersuisoq Maliina Abelsen oqarpoq.
Maluginiagaasali ilagaat aasaanerani aalisakkerivinni sulisussaaleqisoqarnera naak suliffissaaleqisutut nalunaarsorneqarsimasut amerlagaluartut.
- Taamaattumik eqqumaffigeqqissaartariaqarparput sulisinnaasut pigisavut sunik piginnaasaqarnersut. Tassami suliffissanik pilersitsiinnarsinnaanngilagut avataaneersunit tiguneqartunik, Maliina Abelsen oqarpoq.
Suliffissanik nutaanik pilersitsiniarnermi 10 millioner koruunit 2013-mi atorneqassasut naalakkersuisut siunniuppaat.
