Politikki

Knud Kristiansen isumasioqatigiinnissamut nukingertumik aggersarneqartoq

Nalunaaquttap akunnera ataaseq qaangiuppat, tassa nalunaaqutaq arfineq-pingasunut, Aningaasaqarnermut ataatsimiititaliaq assartuussinermi kiffartuussinissamik isumaqatigiissutissat pillugit isumasioqatigiinnissamut nukingertumik aggersaavoq.

Allattoq Karsten Sommer

septembarip 30-at 2016 11:48

Ineqarnermut, sanaartornermut attaveqaqatigiinnermullu immikkoortortaqarfik taama nalunaarpoq.

Kiffartuussinissamik isumaqatigiissutissat suli isumaqatigiinniutigineqartut saqqummermat, angallannermut naalakkersuisoq, Knud Kristiansen, aningaasaqarnermut ataatsimiititaliamut nassuiaateqassaaq.

Aamma atuaruk TUSAGASSIUUT: Kiffartuussinissamik isumaqatigiissutissat atsioqatigiissutigineqanngitsut

Ilaatigut Inuit Ataqatigiit politikkikkut oqaaseqartuat Aqqaluaq B. Egede, Knud Kristiansenip isumasioqatigiinnissamut aggersarneqarnissaanik piumasaqartuuvoq.

Nal. 11.47 nutarterneqaqqippoq:

Isumasioqatigiinneq Inatsisartoqarfiit ataatsimiittarfiisa ilaanni pivoq, Knud Kristiansenilu oqarasuaatikkut peqataalluni. KNR-imit pisoq qanimut alapernaaffigaarput. Isimasioqatigiinneq nal 11.30 aallarteqqippoq.