Inuussutissarsiutit

Aningaasaateqarfiup Pisiffimmi piginneqataassutini tunerusukkai

Nunatsinni pisiniarfiutileqatigiiffiit annersaat, Pisiffik, ungasinngitsukkut allanit pigineqaleqqeratarsinnaavoq.

Allattoq Inge S. Rasmussen

oktobarip 15-at 2015 09:25

Nutserisoq Simon Uldum -

Niuertut aningaasaateqarfiata KFI-ip - Dagrofap Pisiffimmi piginneqataassutaanik pisisup - piginneqataassutimi pigiinnarnissaanik siunertaqanngilaq.

Dansk Handelsblad nutaarsiassaatimini taama allaaserisaqarpoq.

Niuertut aningaasaateqarfiata aningaasaatilissuup, KFI Erhvervsdrivende fondip, Pisiffimmi 40-nik pisiniarfiutilimmi milliardilu missiliorlugu kaaviiaartitaqartumi piginneqataassutit ilarpassui ukiortaamit pigilissavai.

Suliffeqarfissuup Dagrofap Danmarkimi pisiniarfiutini kisiisa samminiarlugit piginneqataassutini tunivai.

AAMMA ATUARUK Dagrofap Pisiffik tunigaa

KFI-lli siulersuisuini siulittaasup tullia Michael Holm Johansen naapertorlugu, aningaasaateqarfiup Pisiffimmi piginneqataassutini sivisuumik pigissallugit naatsorsuutiginngilaa.

- Utaqqiisaasumik aaqqiissutaannaassagunarpoq. KFI-p Pisiffimmi piginneqataassutiminik piffissami eqqortumi tuniserusunnera isertugaataanngilaq, Dansk Handelsbladimut taama oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.