Dagrofap Pisiffik tunigaa
Pisiffik A/S ukiumi nutaamit Norgemiunit pigineqalissaaq. Niuertarfiutileqatigiiffiup Pisiffiup piginittorisimasaata Dagrofap piginneqataassutsini Norgesgruppenimut aamma KF1-mut tunisimavai.
Allattoq Inge S. Rasmussen
oktobarip 01-at 2015 09:57
Nutserisoq Jaaku Lyberth
Piginnittuunermut allannguut jannuaarip aallaqataani 2016-mi atuutilissaaq.
Pisiffiup suleriaasia aamma ingerlanneqarnera piginneqatigiissutsit tunineqarnerisigut allannguuteqassanngitsut, tusagassiuutinut nalunaarummi allasimavoq.
Tamatuma saniatigut Pisiffiup KK Engros tamakkiisumik pigilissavaa, taamaasillunilu kalaallinit 100 procentimik pigineqalissalluni.
Norgesgruppen aamma KFI kiisalu Greenland Venture Pisiffik A/S-ip 14,2 procentiinik piginneqataapput.
Pisiffiup siorna iluanaarutigisani 10,4 millionit koruuniusut piginnittuminut agguaappai, Pisiffiup pisortaa Peter Steen Larsen KNR-imut oqarpoq.
Pisiffiup siorna iluanaarutigisaanit 1,4 millionit koruunit Greenland Venturemut tunniunneqarput.
