Angutip toqungasup timaa sissami nassaarineqartoq kinaassusersineqartoq
Angut umiatsiarluni aallarsimasoq tikissimanngimmat maajimi maqaasineqartutut nalunaarutigineqarpoq.
![](/sites/default/files/styles/image_934x467/public/2024-07/politi%20narsarsusa.jpg?itok=7qoEXDW8)
Angut Narsarsuup eqqaani sissami nassaarineqarpoq.
Allattoq Christine Hyldal
Inuup toqungasup timaa Narsarsuup eqqaani sissami arfininngormat nassaarineqarpoq.
Politiit timi nassaarineqartoq kinaassusersiniarlugu arfininngormalli misissuipput – maannalu paasineqarpoq.
Pineqartoq tassaavoq angut umiatsiamik aallarsimasoq tikissimanngimmat maajimi maqaasineqartutut nalunaarutigineqartoq.
Kalaallit Nunaanni Politiit pigaartuisa pisortaat Anette Ostenfeldt KNR-imut taama ilisimatitsivoq.
Qanigisaasut kalerrinneqarput.