Angutip 68-inik ukiullip savimmik kapineqarsimanini malugisimanngikkaa

Angut qitiminit aanaarmat, Nuummi savilersortoqarsimasoq tallimanngornermi ullaakkut paasineqarpoq. Angut 60-inik ukiulik tigusarineqarpoq.
Angutit marluk Nuussuarmi fiisteqatigiissimapput. Tassani angut 68-inik ukiulik savimmik qitimigut kapineqarpoq. Assi © : Kalaallit Nunaanni Politiit / Grønlands Politi
Allattoq Teitur Larsen
septembarip 22-at 2023 16:55
Nutserisoq Ivik Kristiansen

Nuummi Nuussuarmi angut 68-inik ukiulik tallimanngornermi septembarip ulluisa 22-anni fiistereerluni iterami niaqorluinnanngilaq.

Siniffiami aaginnaavoq, qitimigullu anniarluni.

- Savimmik kapineqarsimalluni paasisimanngilaa, politiini pigaartut pisortaat Carl Sværd oqarpoq.

Angut alla 60-inik ukiulik angummik 68-inik ukiulimmik qitiatigut kapisisimasutut pasineqarluni tigusarineqareerpoq.

- Ullaaq iterami qitimininngaanniit aanaarluni paasivaa, Carl Sværd oqarpoq, angullu 68-inik ukiulik inuunermini navianartorsiunngitsoq erseqqissaatigalugu.

Angutip 60-inik ukiullip eqqartuussivimmut sassartinneqarnissaa pigaartut pisortaata naatsorsuutiginngilaa.

Angutip ullumi kingusinnerusukkut iperagaanissaa naatsorsuutigaa, angulli pisoq pillugu suli unnerluutigineqassaaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Folketingip siulittaasua uissuummivoq - toqqaannartumilli nutserisoqartalernissaanut ammavoq

Politiit ullormut nalunaarutaat: Qaqortumi aserorterisoqartoq imigassartorsimallunilu Nuummi biilinik ingerlatsisoq

Aliasuuteqartunut Qaqortumi peqatigiiffik nutaaq misigissutsinik suliarinninnissamut sakkussaqalersitsissasoq