Angut toqungasoq Nuup eqqaani nassaarineqartoq
Angut toqungasoq Nuummut qanittumi Kangaarsuup eqqaani maajip 20-ani ataasinngornermi nassaarineqarpoq. Angut inunnit toqungasumik piaarinaatsoortumik nassaarineqarpoq, taakkulu Kalaallit Nunaanni Politiinut erngertumik sianerput.
Politiit angut kinaassusersiniangaatsiarsimavaat, misissuinernimi angut piffissami sivisuumi imaaniissimasoq inerniliissutigineqarpoq.
Pineqartoq tassaavoq angut 48-nik ukiulik 2023-mi juulip ulluisa tallimaanni tammaaneqalersoq.
Kalaallit Nunaanni Politiit tusagassiuutinut nalunaarummi allapput.
Angutip kigutaasa Dronning Ingridip Napparsimmavissuani CT-mik scannerneratigut kinaassusaa paasineqarpoq.
Angut 48-nik ukiulik 2023-mi juulip tallimaani pingasunngornermi Nuummiit qeqertat akornisigoorluni Maniitsup tungaanukarpoq. Angutilli ilaqutaasa angut tusarfiginnginnamikku maqaasineqartutut nalunaarutigaat.
SAR-imik ujaasineq aallartinneqarpoq, angulli ajoraluartumik nassaarineqanngilaq, ujaasineq juulip arfineq-pingajuani arfininngornermi taamaatinneqarpoq.
Politiit misissueqqissaarneranni angutip toquneranut atatillugu pasineqartoqanngitsoq paasineqarpoq. Qanigisaasut kalerrinneqarput.