Ulloq unnuarlu nalunaarusiaq: Angut tigusarineqartoq sioorasaarinermi kingorna

Aasianni sioorasaarinerup aamma Sisimiuni uuliakoornerup ataasinngornerup marlunngornerullu akornanni Kalaallit Politiivi sulitippaat.

Allattoq Hanna Vestergaard Hviid

novembarip 14-at 2023 10:58

Nutserisoq Per Rosing

Ataasinngornerup unnuaani Aasianni Kalaallit Politiivi iliuuseqarput.

Angut tredvikkunnik ukiulik internettikkut attaveqaqaatini sioorasaarutinik allagaqarsimavoq, taamaattumillu politiit 02.26 nalunaarfigineqarput.

Kalaallit Politiivini pigaartoq Bent Johnsen KNR- imut oqarpoq.

- Tassalu illu ungusinmavarput angullu oqaloqatigineratigut anisillugu, oqarpoq.

Taava angut tigusarineqarpoq, politiillu misissuipput.

Massakkorpiaq politiit oqarsinnaanngillat illumi allanik inoqarsimanersoq. Aamma paasinarsinngilaq angut unnerluussaassanersoq.

Ataasinngormat unnukkut Sisimiuni Teleøen-imi uuliakoortoqarpoq.

- Umiarsuarmit tankeqarfissuarmut solaruuliamik nuussisoqartussaavoq, naatsorsuinerluttoqarsimammalli solaari kuuttoorsimavoq, Bent Johnsen oqarpoq.

Nalunaarutigaa uulia tamarmi tankimut allamut millugunneqareersimasoq.

Uulia annertungaatsiartuuvoq. Politiit nalunaarutigaat liiterit 177.000-it aamma 200.000-it akornanniittutut nalilerneqartoq.