Angut Sisimiuni ujaarineqartoq toqungasoq nassaarineqartoq
Angut januaarip ulluisa 24-annili ujaarineqalersoq toqungasoq nassaarineqarpoq.
Kalaallit Nunaanni Politiit taama nalunaaruteqarput.
Angut ullumi nassaarineqarpoq, Kalaallit Nunaanni Politiillu annertunerusumik paasissutissiissinnaanngillat.
Angut 63-inik ukioqarpoq. Taanna napparsimmaviup atisaataanik atugaqarlunilu qarlippaanik qiviunillu oqorsaatitalimmik kavaajaqarluni Sisimiuni napparsimmavimmit pingasunngornermi januaarip 24-anni anisoq kingullermik takuneqarpoq.
Politiit namminerlu kajumissutsiminnik ujaaseqataasut ujaasigaluarput iluatsinngitsumillu.
Qanigisaasut kalerrinneqareersut politiit paasissutissiipput.