Nuummi politiit suliaqartut: Angut qoorortuulik tigusarineqartoq
Angut Nuummi illoqarfiup qeqqani qoorortuumik sioorasaaruteqarsimasutut tigusarineqarpoq. Politiit pigaartuisa pisortaat marlunngornermi ullaap tungaani oqarpoq.
Politiit angutip qoorortuullip tigusarineqarnerata kingorna assersuinertik atorunnaarsippaat.
Allattoq Nicole Sander Bertelsen
juunip 11-at 2024 12:08
Nutserisoq Connie Fontain
Nuummi politiit angutip qoorortuullip nalunaarutigineqarnera pissutigalugu Nuukullaap eqqaani aqquserngit assersorpaat.
Nalunaarutiginninneq nalunaaqutaq arfineq-pingasunngulersoq pivoq, politiillu tamatuma kingunitsianngua assersuilersut, pigaartut pisortaat, Jørgen Madsen oqarpoq.
Angulli pissannganartorsiorfiunngitsumik tigusarineqapallappoq.
- Maanna nakkutigaarput, oqaloqatigereerutsigulu iperagaassaaq, pigaartut pisortaat oqarpoq.
Angut politiit tigusarereeramikku illoqarfiup ilaanik assersuinertik aamma atorunnaarsippaat.
