Angut pissutsit arfinillit pissutigalugit unnerluutigineqassasoq

Angut 36-nik ukiulik nakuuserneq, pinngitsaaliilluni atoqatiginninneq, qarasaasiatigut tunngatisutigut peqquserlunneq aserorterinerlu pillugit Eqqartuussisoqarfik Sermersuumi sisamanngornermi unnerluutigineqassaaq.

Tamanna allagaatimi KNR-ip takunniffigisinnaatitaaffigisaani atuarneqarsinnaavoq.

Eqqartuussivimmi suliami pissutsit arfineq-pingasut ukiut pingasut ingerlaneranni tassa 2020-mi apriilimit 2023-mi marsimut pisimapput.

Angut Nanortalimmi arnamik pinngitsaaliilluni atoqatiginnissimasutut ilaatigut unnerluutigineqarpoq.

‘Nillianak, taamaanngippat toqussavakkit’

Unnerluussissut naapertorlugu arnaq sinittoq pinngitsaaliilluni atoqatiginninneq aallartippoq, arnarlu atoqatigineqarnermini iterpoq. Angutillu atoqatiginninnini ingerlatiinnarlugu arnat nakuuserfigaa imaluunniit nakuusernissamik siorasaarpaa saniatigullu toqqusasseqqallugu.

Angutip 36-nik ukiullip arnaq savimmik siorasaarpaa, pinngitsaaliillunilu atoqatiginninnermini ‘nillianak, taamaanngippat toqussavakkit’, aamma ‘aaooannut oqaruit aallaassavara’ oqaatigisimagai, unnerluussissummi allassimavoq.

Angut pinngitsaaliilluni atoqatiginninnermi saniatigut Nanortalimmi siorna nakuusersimasutut aamma unnerluutigineqarpoq.

Pisoqarnerani arnaq niaquatigut ikilerneqarlunilu kiinaatigut pullalerpoq, pissutigalugu angutip arnaq tunuatigut isimmillugulu niaqua sakissaminut pisillugu sukassimavaa.

16.000 koruuninik tigusineq

Nakuuserneq aamma pinngitsaaliilluni atoqatiginninneq pissutsit marluinnaapput. Angut qarasaasiatigut pinngitsaaliilluni atoqatiginninnermi ullormut ullut 20-t sioqqullugit tassa 2022-mi decembarip pingajuanit tallimaanut qarasaasianut tunngasutigut peqquserluuteqarpoq.

Angut – unnerluussissut naapertorlugu – akiliut akuersissuteqarfigineqarani sisamariarluni katillugit 16.000 koruuninik tigusissutigaa.

Aamma 'aserorterineq' pillugu pissutsini pingasuni najukkami ataatsimi aserorterisimasutut aamma unnerluutigineqarpoq.Unnerluussissummi fjernsynimik, igalaamik kuuffimmillu aseruisimasoq allassimavoq.

Angut eqqartuunneqassaguni ukiuni marlunni qaammatinilu pingasuni pineqaatissinneqarsimasunut inissiisarfimmiittussanngortinneqarnissaa aamma mitalliisutut 100.000 koruuninik taasiissuteqarnissaa kiisalu aserukkaminut 6.500 koruuninik taarsiissuteqarnissaa  unnerluussisussaatitaasup piumasaqaatigaa.