Politiit ullormut nalunaarutaat: Angut persuttaasimasutut pasineqartoq politiinit ujaarineqartoq
Angut 25-t 30-illu akornanni ukiulik sapaatiummat pingasup missaani politiinit qimaavoq.
Kalaallit Nunaanni Politiit pigaartuisa pisortaat, Aputsiaq Hansen ataasinngornerup ullaavani taama oqarpoq.
Angut 175 centimeterisut angitigisoq, naatsunik kajortunik nujalik, qaamasumik amilik nukittuutullu isikkoqartoq Nuummiittoq politiinit oqaatigineqarpoq.
- Persuttaanermik peqquteqartumik ujarneqarpoq, taamaattumillu takugaanni nammineq saaffiginagu politiinut sianertoqassasoq innersuussutigaara, Aputsiaq Hansen oqarpoq.
Taanna angut takugaanni sumiittorluunniit nalunngikkaanni Kalaallit Nunaata Politiivi 70 14 48-mut sianerfigineqassapput.
Angut ujaarineqartoq toqqoqqaneranik ikioraanni pineqaatissiissutaassasoq, politiit pigaartuisa pisortaat erseqqissaavoq.
