Angut nualluummik H1N1-imik toqquteqarpoq
Danskeq suli ataaseq nualluummik H1N1-imik toqquteqarpoq.
Tassaavoq angut 30-t missaanni ukiulik, anigorsinnaanngisaminik nappaateqareersoq. Hvidovre-p Napparsimmaviani peruluttut inaanniitilluni ippassaq toqusoq, Peqqinnissamut Qullersaqarfik ilisimatitsivoq.
Danskit sisamat nualluummik H1N1-imik maannamut tassa toqquteqarput, 100.000-illu amerlanerit H1N1-inik nuallupput - amerlanersaat meeraallutik.Peqqinnissamut Qullersaqarfimmiit suli siunnersuutigineqarpoq nualluttut angerlarsimaannarallartassasut, ullunilu arlalinni aatsaat kissarneqarsimagunik nakorsaq attavigissagaat.