Angut ikuallatsitsisimasutut toqutseriarsimasutullu unnerluutigineqartoq
![](/sites/default/files/styles/image_934x467/public/2024-02/image00001.jpeg?h=d1d4a99e&itok=hO3Lq9eW)
Kalaallit Nunaanni tarnimikkut napparsimasunut napparsimmavimmi katsorsaaneq tassanngaanniilluunniit nakkutiginninneq. Angut 32-nik ukiulik unnerluutigineqartunik pisuutinneqarluni eqqartuunneqassaguni taama pineqaatissinneqarsinnaavoq.
Angut inigisami ilaanik siorna apriilimi piaaraluni ikuallatsitsisimasutut arnamillu toqutsinissamik siunertaqarluni ikualanerup tungaanut nutsugaaniarsimasutut unnerluutigineqarpoq.
Taamaammat toqutseriartutut aamma unnerluutigineqarpoq.
Tamanna unnerluussissummi KNR-ip pissarsiarisimasaani allassimavoq.
Allat inuunerannut navianartorsiortitsisoq
Arnarli angutip tigumminninneranit iluatsittumik aniguivoq.
Arnaq ikiortissarsiorpoq, unnerluutigineqartulli inissiap matua parnaarpaa inissiamilu assigiinngitsunut ikuallatsitsilluni.
Arnaq inissiamit inissiami sanilerisamit ikiorneqarluni anivoq.
Inneq sakkortuumik siammaappoq, inissiaqarfinnilu sakkortuumik pujuliortoqalerluni, taamaammat angutip inissiani najugaqartut allat inuunerannut aamma navianartorsiortitsisimasoq unnerluussummi allassimavoq.
Suliaq Nuummi Eqqartuussisoqarfik Sermersuumi suliarineqarluni aallartinneqassaaq, unnerluussisussaatitaasullu pineqaatissiissummut piffissaliisoqannginnissaa piumasaraat.