Nuummi inissiami ikuallanneq – Inummik ambulancenik aatittoqartoq

Nuummi Manguaqqami inissiaqarfimmi ullaap tungaani ikuallattoqarmat angut ambulancenik aaneqarpoq.

Angut inissiamit nammineerluni anivoq. Kalaallit Nunaanni Politiini pingaartup, Jørgen Madsenip KNR-imut oqaluttuaraa, angut putsumik najuussuisimasinnaammat napparsimmavimmut ingerlanneqarsimasoq. Angut ambulancemut ikineqarami ilisimasimasoq politiinit uppernarsarneqarpoq.

KNR-ip ilanngutassiortua, Teitur Larsen ikuallaffiusumiippoq, taassumalu ambulance, qatserisartut, politiillu sumiiffimmiittut paasissutissiissutigaa.

Inissiap igalaavanit maanna qernertumik pujorpoq.

Inissiani quleriiaanni allerpaamiittoq pineqaproq.

Inissiamut affarleq aamma ikuallattup qulaani ineqartoq qimagunneqartut aamma taakku inissinneqarallarnissaat pilluug inissiaatileqatigiiffik nalunaarfigineqareersut politiinit oqaatigineqarpoq. Ikuallattup eqqaaniittoq ini ataaseq kisimi ajoqusersimasoq aamma oqaatigineqarluni.

- Sumiiffimmi inuit eqqissisimapput, susoqarneralu ilisimavallaarnagu. Politiilli ikuallanneq nakkutigisinnaarpasippaat, Teitur Larsen oqarpoq.

Nuussuup atiuarfiani ikuallatsitsisoqarsimanera pillugu politiit ippassaq aamma kalerrinneqarput, ikuallattorli erngerlugu qaminneqarsimasoq politiinit oqaatigineqarpoq.

KNR-ip Kalaallit Nunaanni Politiit ikuallattoqarneranik uppernarsaasut attavigai, taakkuli oqaaseqarnissaminnut piffissaqanngillat.