Angut angummik allamik pinngitsaaleeriarsimasutut pasineqarpoq

Angut 27-nik ukiulik 17-inik ukiulimmik pinngitsaaleeriaraluarsimasutut, qaneq atorlugu atoqateqarsimasutut kannguttaatsuliorsimasutullu unnerluutigineqarpoq. Unnerluutigineqartoq sisamanngorpat eqqartuussivimmi sassassaaq.

Allattoq Nicole Sander Bertelsen

aggustip 30-at 2023 10:52

Nutserisoq Sussi Jensen

Angut 27-nik ukiulik sisamanngorpat Nuummi Sermersuup Eqqartuussisoqarfiani sassartinneqarnermini 17-inik ukiulimmut angummut inuusuttumut kannguttaatsuliorsimasutut pinngitsaaleeriarsimasutullu unnerluutigineqassaaq.

Allagaq unnerluussut naapertorlugu unnerluutigineqartup pinerlineqartoq maanna 18-inik ukiulik nakuusernikkut siorasaarinikkulluunniit arlaleriarluni kunissoriaraluarsimavaa, arlaleriarluni nuluatigut tigusimavaa, pinngitsaalillugu nalikkavatigut milukaarsimavaa kiisalu nalikkaavatigut attuualaarsimallugu.

Atornerluineq ukioq manna februaarip 18-iata 19-iatalu akornanni ullaakkut nalunaaqutaq tallimap missaani pisimavoq.

Aamma atuarukToqutsisimasumik suliami Nunatta Eqqartuussisuuneqarfia angummut 27-nik ukiulimmut eqqartuussummik aalajangersaasoq

Allakkami unnerluussummi allassimavoq pinerlineqartup pisup ingerlanera tamakkerlugu unnerluutigineqartoq uneqqullugu nilliaffigisaarsimagaa qimaariaraluarsimallunilu. Angutilli tigummilluarsimammani tamanna pisinnaasimanngilaq.

Unnerluussut naapertorlugu suliami unnerluussisussaatitaasut unnerluutigineqartup ukiumi ataatsimi qaammatinilu pingasuni pineqaatissinneqarsimasunut inissiisarfimmiittussanngortinneqarnissaa kiisalu pinerlineqartumut 100.000 koruuninik taarsiissasoq piumasaqaatigaat.

Sisamanngorpat suliami aalajangiisoqarnissaa naatsorsuutigineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.