Politi: Angut 19-nik ukiulik politiinit ujaarineqartoq tigusarineqartoq
Angut 19-nik ukiulik sapaatit akunnerini pingasuni politiinit ujaarineqareerluni, arfininngornermi ualikkut Sisimiuni tigusarineqarpoq.
Angut 19-nik ukiulik arfininngornermi ualikkut Sisimiuni nalunaaqutaq 14:22 tigusarineqarpoq
Allattoq Teitur Larsen
januaarip 13-at 2024 18:49
Nutserisoq Jaaku Lyberth
Angut 19-nik ukiulik decemberip ulluisa 23-annili ujaarineqartoq arfininngornermi ualikkut Kalaallit Nunaanni politiinit arfininngornermi ualikkut tigusarineqarpoq. Angut taanna peqqarniitsumik saassussisimanera pillugu ujaarineqarpoq.
Kalaallit Nunaanni Politiit tusagassiuutinut nalunaaruteqarlutik taama allapput.
Angut 19-nik ukiulik, politiit oqarnerat naapertorlugu, angutit allat sisamat tallimalluunniit peqatigalugit Sisimiuni angummut 30-it missaanik ukiulimmut saassussisimapput.
