Angallat Tunesiami umiummat inuit 34-t maqaasineqarput
Tunesiap sineriaani angallat tallimanngormat umiummat afrikamiut qimaasut ikinnerpaamik inuit 34-t maanna maqaasineqarput.
Ullut marluk ingerlanerinnaani angallatit tallimat Tunesiap sineriaani qimaasunik issimasullit umiupput. Sisamanngormat tallimanngormallu umiusut ilaasui katillugit 67-t maanna maqaasineqartut, Tunesiami oqartussat nalunaarput.
Qimaasorpassuit Italialiarniartut taamalu EU-mut iserniartut amerliartuinnarnerat maanna ilungersuatitseqaat.
Italiap sineriaanik nakkutilliisut sisamanngormat oqarput, Italiap sineriaani qimaasut Italiap sineriaatigoortut katillugit 750-t annaassimagitsik.
FN-illu qarasaasiakkut allassimasuutai naapertorlugit, qimaasut ikinnerpaamik 12.000-t Italiamut ukioq manna anngussimapput, taakku Tunesiamiit imarpik ikaarlugu Italiamut anngussimapput.
