Politiit ullormut nalunaarutaat: Angallat kivisoq uuliakoorpoq

Angallat Nanortallip eqqaani sisamanngornermi ullaakkut kivisoq uuliakuulersimasoq, politiini immikkut upalungaarsimasuutitat ilisimatitsipput.

Allattoq Nicole Sander Bertelsen

septembarip 20-at 2024 08:58

Nutserisoq Hanne Petersen

Angallat Adolf Jensen sisamanngornermut unnuaani ikkarlinnermi kingorna sisamanngornermi ullaakkut kivisoq uuliakuulersimasoq, Kalaallit Nunaanni Politiini immikkut upalungaarsimasuutitat KSN ilisimatitsipput.

Kalaallit Nunaanni Politiini immikkut upalungaarsimasuutitat katersuullutik pinartoqarfiusumi suliaqartarput. Jaaku Andreasen maanna pinartoqarfiusumi suliaqarnermi siuttuuvoq.

Aamma atuaruk Politiit ullormut nalunaarutaat: Angallat Nanortallip eqqaani kivivoq

- Angallat suaniit uuliakoornersoq naluarput, orsualikattunillu kiviffiata nalaani takussaasoqarataannaavoq, taanna oqarpoq.

Qatserisartulli angallatip kiviffiata nalaaniillutik suliaqarmata uuliakoornerlu siaruatsaaliniarlugu puttaqusiinikuummata ernumasoqartariaqanngitsoq, taanna oqarpoq.

Qanoq uuliakoorsimatiginersoq ilisimaneqanngitsoq

Angallammi kivisumi orserfiit solaarimik 15.000-20.000 literit missaannik uuliamillu 1000 literit missaannik suli imaqassangatinneqartut, politiit tusagassiorfinnut sisamanngornermi nalunaarumminni allapput.

Aamma atuarukNuup kangerluani uuliakoortoqarnera: Kangerluup ilarujussuani uuliakkoorneq siaruatsaalineqartoq

- Angallalli suaniit uuliakoornersoq missilioruminaammallu maannamut qanoq uuliakoorsimatiginersoq naluarput, taanna oqarpoq.

Angallammi issimasut tamarmik sisamanngornermut unnuaani annaanneqartut, tassa ajunaartoqarnanilu ajoqusertoqanngitsoq, Kalaallit Nunaanni Politiini immikkut upalungaarsimasuutitat ilisimatitsipput.

Nutaarsiassami kukkunermik nassaarsimaguit uunga allaffigineqarsinnaavugut.