Nuna ikuallattoq Angallannermut oqartussaasut akuersinissaat utaqqineqarpoq

Qulimiguumik qamiterinermi ikiuuttoqarsinnaanersoq Air Greenlandip Angallannermut aqutsisoqarfimmiit akuersissutisinissaa, Sisimiuni upalungaarsimasut utaqqigaat, Sisimiuni upalungaarsimasut pisortaat Ole Kreutzmann oqaluttuarpoq.
Assi © : Arktisk Kommando
Allattoq Jaaku Lyberth
juulip 16-at 2019 12:19

Sisimiut avannamut kangiani nuna maannakkorpiaq ikuallattorsuuvoq. Ikuallanneq ima sakkortutigaaq, qatserisartut nammineerlutik qamiterisinnaanatik - taamaammallu Air Greenlandimit ikioqqullutik noqqaasuteqarsimallutik. 

Sisimiuni upalungaarsimasut pisortaat Ole Kreutzmann oqarpoq. 

AAMMA ATUARUK Sisimiut avannaani nuna annertuumik ikuallattoq qamikkuminaatsinneqarpoq

Taassuma angallannermut aqutsisoqarfiup ullumi akissuteqarnissaa naatsorsuutigaa. 

Qatserisartut arfineq pingasut - qulingiluat maannakkorpiaq ikuallannerup eqqaaniipput, ikuallannerlu siaruatsaaliorniasaralugu. Pujorli usseqimmat qamivissinnaanngikkaat, Ole Kreutzmann oqaluttuarpoq. 
Ikuallannersuaq tamatumalu pujorsua 4 kvadratkilometerisut annertutigisoq, upalungaarsimasut pisortaat oqarpoq.
 

AAMMA ATUARUK Sisimiut Kangerlussuullu akornanni pisuttut aqqutaata ilaata pisuffigineqannginnissaa inassutigineqartoq

Sisimiuni upalungaarsimasut, Issittumi Sakkutooqarfimmit ikiorneqarput, taakkua silaannarmit 

assilisaat qatseriniarnerminni atortaramikkit.

Qatserisartut ikuallattup eqqaaniittut helikopterip qamisaanissamut atorneqartussap takkunnissaanut piareersimapput.

Ikuallattup nalaani anori aalaakkaasimavoq, Sisimiullu illoqarfianut siaruaassimanani.

Sisimiuni upalungaarsimasunit innersuussutigineqarpoq aqqut Kangerluarsuk Tullermiit Eqalugaarniarfimmut Sarfannguatigoortoq atorneqassasoq.