Angajoqqaat meeqqallu atualertoornissamut piareeqqassapput
Aasaq qaangiutilerpoq, atualeqqinnissarlu aallartilerluni.
Ukiunut qulinut tulliuttunut atuartuunissamut piareersarluarsimanissaq pisariaqarpoq. Meeraq sinilluarsimasassaaq, nerilluarsimassalluni, angajoqqaaminiillu isumagineqarsimassalluni, tassa ilaatigut tamakkuupput paasissutissani allassimasut.
- Angajoqqaat meeqqat atuarfianni atuartuutillit qassinilluunnit ukioqaraluarpata, taakkua siunnerfigineqarput. Tassani neriuppugut sakkut taakkartorneqartut atorneqarluarumaartut, kissaatigalugu meeqqat atuarfianni atuartut angusarissaarnissaat. Karl F.J Davidsen Ilinniartitaanermut Naalakkersuisoqarfimmeersoq taama oqaluttuarpoq.
Aamma atuaruk Atualernissaq pillugu nuna tamakkerlugu paasititsiniaaneq nutaaq
Paasisitsiniaaneq ingerlaleruttorpoq, nittartakkamilu atualiliiv.gl-imi siunnersuutit assigiingitsut atuarneqarsinnaallutik, nerissaqarnermiit, sinittarnermut tunngasut pillugit paasisaqarsinnaavutit.
Atualerluarisi.