Nivi Olsen: Angajoqqaat tusaaneqarnerulissapput

Atuarfinni apeqqutit pingaaruteqartut pillugit angajoqqaat ataatsimoorlutik isummersorfissaannik pilersitsinissaq pisariaqartoq taanna isumaqarpoq.
Meeqqat atuarnerannik atugarissaarnissaannillu soqutigisaqartunik angajoqqaallu aallartitaqarfigisassaaannik pilersitsinissaq inatsisissatut siunnersuummi siunertarineqarpoq.

Meeqqat atuarfiannut attuumassuteqartuni pingaarnersaasut, tassalu angajoqqaat tusaaneqarnerusinnaasut, Nivi Olsen isumaqarpoq.

- Suliffillit ilinniartitsisullu kattuffeqarput oqaaseqartartoqarlutillu. Kisianni Nunatsinni siunissamut aalajangiisussat pingaarnerpaarpaat, meeqqat atuarfianni angajoqqaajutigut, meeqqatta angajoqqaavi nuna tamakkerlugu ullumikkut oqaaseqartartoqanngillat, Nivi Olsen taama oqarpoq.

Angajoqqaanullu isumalioqatigiissitassami isummersuutigineqartut Naalakkersuisunit atorluarneqarsinnaassasut, Nivi Olsen isumaqarpoq.

 - Angajoqqaat tungaaninngaanniit nipeq ersarissoq ullumikkut amigaatigisarput pisinnaalissuarput, aammalu politikkeritut imaqa takunngittuukkagut angajoqqaat tappiffigisaat atorfissaqartitaallu taakkua ersarinnerujunnguarnissaat naattorsuutigivarput, Nivi Olsen taama oqarpoq.

Aamma atuaruk Nivi Olsen: Atuarfeqarfiit iliuuseqarfigineqassapput

Siunnersuut Ilinniartitsisut Meeqqat Atuarfianneersut Kattuffiannit IMAK-imit tapersersorneqarpoq. Isumalioqatigiissitalli sumiiffinni atuarfinni siulersuisunit aalllaaveqarnissaat  kissaatigaa.

 - Atuarfinni siulersuisuninngaanniit taakkua ilaasortat uagut kissaatigigatsigut angajoqqaat isumalioqatigiissitami ingerlasartussatut. Atuarfinni siulersuisunik angajoqqaanik amigaateqartarneq tassuuna aamma nukittorsarneqassammat, ilinniartitsisut kattuffianni IMAK-imi siulittaasoq Karl Frederik Danielsen taama oqarpoq.

Isumalioqatigiissitaq arfineq marlunnik ilaasortaqassaaq, tamatumalu saniatigut siulittaasoqassalluni.

Ilaasortat 50 000 koruuninik ukiumut aningaasarsiaqarnissaat, siulittaasullu 600 000 koruuninik aningaasarsiaqarnissaa siunnersuutaavoq.

Kommunit tamarmik marlunnik ilaasortaqassapput.