Ane Sofie Hammeken toquvoq

Siornatigut Illoqqortoormiuni borgmesteri Siumullu sinnerlugu inatsisartuni ilaasortaasimasoq Ane Sofie Hammeken toqukkut qimaguppoq.
Allattoq Noah Mølgaard
decembarip 20-at 2012 09:01

Ane Sofie Hammeken pisiniarfimmi ilinniarsimasuuvoq aammalu Illoqqortoormiuni kommunalbestyrelsemi ilaasortaasimalluni. Tassani aamma borgmesteriuvoq 1993-miit 1997-ip tungaanut.

Inatsisartuni aamma ilaasortaavoq 1989-miit 1995-ip tungaanut.

Ane Sofie Hammeken Ilulissani inunngorpoq ukiorpassuarnili uigigaluani Åge Hammeken peqatigalugu Illoqqortoormiuni najugaqarsimalluni. Ukiualunni Ilulissanut nuukkaluarpoq ilaatigut oqaluffimmi pattattutut aamma sulisimalluni. Taamatuttaaq Illoqqortoormiuni oqaluffimmi pattattutut sulisimavoq.

Illoqqortoormiunut nooqqippoq ippassarlu unnukkut tassani eqqissilluni.

Politikkikkut sulinermini pingaartilluinnagaasa ilagaat ilagiit sullinneqarnerat.

- Siumut annertuumik qujassutissaqarpoq akornatsinni sulilluarsimaneranut. Inatsisartut ataatsimiinnerani kingullermi Ane Sofie Hammekenip Ittoqqortoormiini palaseqannginnerup qaangertariaqarneranut ilungersuutai uatsinnut apuupput. Ane Sofiep qasusuilluni piffissaq kingulleq allaat tikillugu nunaqqatiminut atugassarititaasut pitsanngorsartariaqarneri pillugit sulivoq.

- Ane Sofie Hammeken-ip qanigisai ilaqutai nunaqqaataalu misiginneqatigaavut, Siumup siulittaasua Aleqa Hammond Ane Sofie Hammekenimut eqqaaniummini allappoq.

Aamma atuaruk