Ane Lone Bagger uippakajaarnini pissutigalugu marsip qaammataani ulluni 14-ini sulinngiffeqarallarsimavoq.Assi: KNR

Ane Lone Bagger naalakkersuisunit tunuartoq

Ane Lone Baggerip peqqissusini ilaquttanilu salliunniarpai. Taamaammat naalakkersuisuujunnaarpoq.

Ane Lone Bagger (S) nammineq kissaatigisaa aallaavigalugu Naalakkersuisunit tunuarpoq.

- Tunuarnissamik aalajangerniarnera oqimaassimaqaaq, taamaattorli peqqinnissara ilaquttakkalu salliutinniarlugit aalajangerpunga, Ane Lone Bagger oqarpoq.

Ane Lone Bagger uippakajaarnini pissutigalugu marsip qaammataani ulluni 14-ini sulinngiffeqarallarsimavoq. Tamatumali kingorna naalakkersuisut uteqqippoq - uteqqinnerali tamaannga killeqarpoq.

Naalakkersuisutut ivertinneqarninnut tatigineqarnera qujassutigerusuppara politikikkullu suleqatigisimasakka aamma qujaffigerusuppakka, Ane Lone Bagger tusagassiuutinut nalunaarummi oqarpoq.

- Minnerunngitsumik sulisut suleqatigisimasakka tamarluinnaasa qamannga pisumik qutsavigerusuppakka, ilinniartitaanermut, kultureqarnermut ilageeqarnermullu maanna naalakkersuisuusimasoq oqarpoq.

AAMMA ATUARUK Ane Lone Bagger efter stress: Jeg opdagede det ikke selv

Ane Lone Bagger 2018-imi oktobarip tallimannili naalakkersuisuulerpoq.

Siulittaasup, Kim Kielsenip (S) Ane Lone Baggerip tunuarniuteqarnera uggoraa:

- Ataqqivara Ane Lonep peqqinnissani ilaquttanilu pillugit tunuarniuteqarluni aalajangiinera, naak naalakkersuisutut suleqatigiunnaarnissaa assut uggorigaluarlugu. Ane Lone-mut oqarusuppunga qamannga pisumik qujanaq sullissilluarsimanernut, aammalu siunissami ajunnginnerpaanik kissaappakkit.

Ilinnairtitaanermut, kultureqarnermut ilageeqarnermullu naalakkersuisoqarfik ineqarnermut attaveqaqatigiinnermullu naalakkersuisumit Karl Frederik Danielsenimit akisussaaffigineqarallassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat