Ane Lone Bagger uippakajaarnermik uninngareerluni: Nammineerlunga maluginngikkaluarpara

Ilinniartitaanermut, kultureqarnermut, ilageeqarnermut nunanullu allanut naalakkersuisoq, Anne Lone Bagger coronavirusip nunatsinnut takkutinngitsiarnerani uippakajaarnermik eqqugaalluni sulinngifeqalerpoq.

- Ajunngitsorujussuuvunga. Aamma qujanartumik uippakajaarnermik eqqugaanera annikitsunnguusimavoq, Ane Lone Bagger oqarpoq nangillunilu.

- Imatut paasillugu, namminerluunniit malugisimanngikkaluarpara. Suleqatimma sulisummalu malussarneratigut taanna isaasalerlugu paasineqarpoq.

AAMMA ATUARUK Naalakkersuisoq Ane Lone Bagger holder sygeorlov

Nakorsat innersuussuteqarmata marsip 13-ani sulinngiffeqalerpoq.

Sapaatit akunnerni marlunni sulinngiffeqareerluni maanna piffissami tamakkiisumi sulisaqqilerpoq.

Ilulissaniit uternaveertoq

Ane Lone Bagger sulinngiffeqarallarnermini ilaquttani Ilulissaniittut ornippai. Angumereqqarlugumi. Ullummi marluk qaangiummata coronavirusimik tunillatsittoqarmat, Nuuk marsip 18-iani matuneqarpoq, aallarfigineqarsinaajunnarluni tikinneqarsinnaajunnaarlunilu. Angallanneq apriilip 30-ani ammarneqaqqissaaq - kinguarteqqinneqanngikkuni.

- Mattusaasunut ilaallunga, maani eqqissillunga Ilulissaninngaaniit sulerujoorpunga.

Ane Lone Bagger Nuummi allaffimmini sulinngikkaluarluni, Ilulissaniit sulinini ajoqutitaqartinngilaa.

- Uku naalaakkersuinikkut politikkikkullu sulinerit nualluussuarmut samminerisa nalaani suliat kinguartigaammata, suliffinnut atatillugu eqqorneqarnera annikippoq, oqarsinnaavungaluunniit eqqorneqanngilaq, naalakkersuisoq Ane Lone Bagger oqarpoq.