Ane Lone Bagger sulinngiffeqarpoq 

Ilinniartitaanermut, kultureqarnermut ilageeqarnermut aamma Nunanut allanut tunngasunut naalakkersuisoq, Ane Lone Bagger (S), ulluni 14-ini sulinngiffeqarallassaaq. Inuttaa Facebookimi quppernermini taama allappoq.

- Piffissarli kingulleq uippakajaarnermik ersiuteqartalersimavunga, allappoq.

Ane Lone Bagger uippakajaarunnaarnissamut ikiorneqareerluni napparsimanermi sulinngiffeqalerpoq. 
- Imminut ilisimannissusera malillugu, imminullu tusaaniarlunga sulinngiffeqarallarnissannik nakorsamiit allangartalerlunga ullut 14-it sulinngikkallassuunga.

- Ippassaq Ilulissanut ilaqutannguakka najoriartorpakka, tassani toqqissillunga anersaartoqqaalaarnissara pisariaqartikkakku, naalakkersuisoq, naamma sulinngiffeqarallartoq, allappoq.

Taassuma sulinngiffeqarallarnerani naalakkersuisutut akisussaaffii parteeqataata ineqarnermut attaveqaqatigiinnermullu naalakkersuisup Karl Frederik Danielsenip akisussaafigigallarlugit naalakkersuisut tusagasiortunik tallimanngornermi aggersaaneranni oqarpoq.