Kielsen: Amerlanerussuteqaqqalaarluni Naalakkersuisoqatigiiliorniarluni sulivoq
Ataasiinnarmik amerlanerussuteqarluni naalakkersuisoqalernissaq qanilliartorpoq. Siumup siulittaasua Kim Kielsen KNR-imut oqaluttuarpoq, partiimi taavalu Partii Naleqqap, Atassutip aamma Nunatta Qitornaasa naalakkersuisoqatigiinnisssamik isumaqatigiinniarnerat pillugu nalunaaruteqarnissaq qanilliartortoq.
Allattoq Jens Thorin
maajip 04-at 2018 08:49
- Aamma ataasiinnarmik amerlanerussuteqarluni naalakkersuisoqartarnera siornatigut takussaavoq, aamma nunani allani naalakkersuinermik suliaqartuni taamaappoq, Kim Kielsen oqarpoq.
Partii Naleqqamiit Hans Enoksenip partiit sisamat akornanni isumaqatigiinniarluarneq uppernarsarpaa.
- Soorunami partiit sisamat naapinniassagunik, aamma imaannaanngissinnaavoq, kisianni isumaqarpunga, tamatta piumasaqaatigut ataatsimut pillugit ajunngitsorujussuarmik eqqartueqatigiittugut.Tassa Suleqatigiinnerup anersaava qitiutinneqartorujussuusoq malunnarpoq, Hans Enoksen oqarpoq.
AAMMA ATUARUK Siumup IA-mik isumaqatiginninniarnini unitsippaa
AAMMA ATUARUK Evaldsenip naalakkersuisoqataanissaq sussakkiinngilaa
