Amerikamiut præsidentiata Barack Obamap Europami nunat ikiornialerpai

Taamaasillutik Syriamit qimaasut USA-mi amerlatserujussuassapput, præsidentip illorsiani oqaaseqartartoq, Josh Earnest oqarpoq.

- USA-p Syriamit qimaasunik tikisitsinissaanik, atorfissaqartitaannillu tuninissaannik pisussaaffia allerujussuarpoq, Josh Earnest oqarpoq.

Syriami sorsunneq aallartimmalli USA qimaasunik 150-inik tikititsivoq, oktoberimilu 300 aamma tikititsissalluni.

USA-lu ikiuivallaannginnerarlugu isornartorsiorneqarnikuuvoq, Obamallu allattoqarfiata iliuuseqartinneruniarlugu, USA-mi inatisartunut ilaasortat arlallit piumasaqarlutik.

Ilaatigut senatori republikanereq John McCain USA sumiginnaasimasoq oqarpoq.

Syriami sorsuttoqarnerani EU-p nunataanut qimaasut amerlanerujussui pillugit USA ileqqorissaarluni akisussaaffeqartoq, Barack Obama oqarpoq.