Hiroshimap qaartartumeerneqarneranit ukiut 71-it qaangiunnerini Kerry tikeraartoq
Nunat suliffissuaqarfiusut siuttuisa arfineq-marluusut nunanut allanut ministeriinik G7-ip ataatsimeersuartitsineranik illoqarfik aaqqissuisuuvoq.
John Kerryp Tuluit Nunaata, Canadap, Frankrigip, Tysklandip, Italiap Japanillu nunanut allanut ministerii peqatigalugit Hiroshimap sorsunnersuup aappaata naalernerani nunguusavillugu atombombimik qaartartumeerneqarnera pillugu katersugaasivimmut ullumi (ataasinngornermi) pulaassapput.
Aamma atombombimik qaartartumeerinermi eqqugaasorpassuarnut eqqaassutissami naasunik ilisisoqassaaq.
Kerryp tikeraarnera præsident Obamap illoqarfissuarmut qaammatip tulliani tikeraarnissaanut aqqutissiuussisussatut isigineqarpoq, præsident Obama nunat G7-imut ilaasortaasut ataatsimiinnissaannut atatillugu Japanimut tikissammat.
Obamalu tikeraarpat, atombombimik ukiut 71-it matuma siorna qaartartumeerisoqarmalli aatsaat amerikamiut præsidentiannik Hiroshimamut tikeraartoqassaaq.