Danmarkimi atuartut tamarmik nunatsinnut tikittariaqaraluartut
Kalaallit Nunaata, Savalimmiormiullu Danmarkillu ataqatigiinnerat nikingassuteqartoq Jyllands-Posten isumaqarpoq, tamannalu uggornartoq oqaatigalugu:
- Kalaallit Savalimmiormiullu Danmarkimi pissutsinik ataatsimut isigalugu malinnaalluartutut nalilerneqarsinnaasut, Danmarkimi innuttaasut Atlantikup avannaani pissutsinik ilisimasaat killeqarput, tamannalu uggornarpoq, aviisi taama ilaatigut allaaserisaqarpoq.
AAMMA ATUARUK Naalagaaffeqatigiinneq pillugu Københavnimi ikumatitalisarlutik ingerlaaqatigiissasut
Europami sumiiffinnik assigiinngitsunik aallutaqarpallaaratik Savalimmiut Kalaallit Nunaallu aallunnerusariaqaraluarpaat, nunat taakku kulturiannik, pinngortitaannik ileqqutoqaannillu ilisimasaqarnerusariaqaraluarlutik, Jyllands-Posten allappoq.
- Naasunik, uumasunik kulturimillu Naalagaaffeqatigiit iluanni pisuussuteqarpugut imaannaanngitsunik. Danmarkimilu atuartup atuarnermi nalaani Kalaallit Nunaannut Savalimmiunullu tikittariaqaraluarpoq misigisassarsiorfigalugillu, aviisi taama ilaatigut allaaserisaqarpoq.
Savalimmiormiut, kingornalu aamma Kalaallit Nunaat, nammineq tunngaviusumik inatsiseqalerpata, ukiuni hunnorujulikkaani attaveqaqatigiinneq kipitinneqassaaq:
- Atlantikup avannaani attaveqarfigut ukiuni hunnorujulikkaani ataatsimoorussatsinnit.
AAMMA ATUARUK Ukiortaami oqalugiaammi Kalaallit Nunaat eqqaaneqanngilaq
