Danmarkimi naalagiartitsinissaraluit taamaatiinnarneqartut

Danmarkimi ilagiit kristumiuni naalagiartitsinissaraluit tamarmik sapaatip-akunnerini tulliuttuni marlunni taamaatiinnarneqarput.
Sulili kuisitsisoqarsinnaallunilu, ilisisoqarsinnaallunilu katititsisoqarsinnaavoq, inuilli naalagiaqataasut amerlanerpaamik 100-uusinnaapput. Inuimmi amerlanerpaamik 100-t peqataaffigisaannik aaqqissuussisoqarsinnaanissaa, Danmarkimi naalakkersuisut kaammattuutigaat. Assi © : Liselotte Sabroe/Ritzau Scanpix
Allattoq Ritzau
marsip 12-at 2020 12:11
Nutserisoq Mads Lynge

Ilageeqarnermut Ministereqarfik tusagassiuutinut taama nalunaaruteqarpoq.

Danmarkimi naalakkersuisut nualluutip coronavirusip siuaruatsaalinissaanut pingasunngornermi arlalinnik suliniuteqalereersullu naalagiartitsinissaraluit taamaatiinnarneqarput. Kikkulluunniit ornittagaat tamarmik matuneqarallarnerisa suliniutigisaasa ilagaat.

Sulili kuisitsisoqarsinnaallunilu, ilisisoqarsinnaallunilu katititsisoqarsinnaavoq, inuilli naalagiaqataasut amerlanerpaamik 100-uusinnaapput. Inuimmi amerlanerpaamik 100-t peqataaffigisaannik aaqqissuussisoqarsinnaanissaa, Danmarkimi naalakkersuisut kaammattuutigaat.

Ilagiit kristumiut avataanni nammineq kajumissutsimik peqatigiiffinni uperisarsioqatigiinnilu allani aaqqissuussat taamaatiinnarneqarnissaannut aamma kajumissaaruteqartoqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq