Allangortoqarnissaa ilimananngilaq: Pisortat peqqissaasut itigartippaat

Peqqissaasut ilungersoqalutik suaarutaat tusaaneqarpoq, kisianni allannguutit annertuut ukiuni arlalini utaqqisariaqarput.
Assi © : KNR
januaarip 28-at 2022 08:46
Nutserisoq Per Rosing

”Ajornartoornerup nalaani qujaneq malitseqanngitsoq soqutaassuseqanngilaq.”

Med disse ord slog formanden for Peqqissaasut Kattuffiata (PK-p) siulittaasuata, sygeplejerskernes fagforening, Ken Jensenip taamatut erseqqissarpaa Peqqissutsimut pisortat aamma  Naalakkersuisut iliuuseqartariaqalernerat peqinnissaqarfimmi pissutsit paatsiveqanngitsut aaqqinneqassappata pisariaqarluinnartoq.  

AAMMA ATUARUK Peqqissaasut suaaruteqarput: Pissutsit nukinginnartooqqapput

Kingornatigut peqqissaasut coronap tuniluunnersuata nalaani sulinerannik nersorinnissutit imaaginnavipput, aamm apeqqisssaasut sinniisui Peqqinnissaqarfimmilu pisrtat akornanni ataatsimiitoqartarpoq isumaqatigiiffiusuni attaveqaqatigiinneq patajaallisarneqassasoq.

Kisianni peqqinnisaqarfimmi annertuumik allannguuteqarnissaa ungaseqaaq.  

Immikkut ittumik sulinngiffeqartarnissaq itigartitsissutaavoq 

PK siunnersuuteqarpoq peqqissaasut immikkut ittumik ulluni sulinngiffeqartassasut, qasuersaarfissaminnik massakkorpiaq inuiaqatigiit pisariaqartitaannik nukissanik katersiffissaminnik immikkut suliaqarnissaminnut, coronamik tuniluunnerujussuup sakkortunerpaaffiani.

Peqqissutsimut naalakkersuisuugallartup Pele Brobergip (Naleraq) peqqissaasut kissatigisaat paasilluarpaa, kisianni taakku pillugit politikkikkut akulerusunnani, Peqqissutsimut pisortat Peqqissaasullu Kattuffiata isumaqatigiinniarnissaat naatsorsorpaa.

AAMMA ATUARUK Pele Brobergip peqqissaasut ilungersortut qujassuteqarfigigai

Ilutigalugu oqarpoq pilikerit aatsaat akuliunniartut Peqqinnissaqarfimmi pisortat kissaatigippassuk:

- Politikikkut oqarsinnaanngilagut peqqinnissaqarfimmi qanoq pingaarnersiusoqssasoq, tassani sulianik ilisimasallit malittarisariaqarpavut innersuussutaallu tusaallugit, Pele Broberg oqarpoq.

Kisianni qanittumi taamatut saaffiginnissaq ilimanaateqanngilaq – akerlianilli.  

Tasami peqqinnissaqarfimmi pisortat KNR-imut akissummi ima allapput:

- Immikkut ittumik ullormik sulinngiffeqarnissaq sulisunut sinneruttunut ulapereeqisunut suli  ulapinnerulertitsissaaq. Kisianni sulinngiffeqarnissamik kissaatigisaq paasilluarparput, sapinngisatsinnillu tamanna naapigiarniarparput ilaatigut sulisussanik pilersaarusiornikkut. Immikkut ittumik ullormik sulinngiffeqarnissaq pillugu isumaqatigiinniarnerni sammineqassaaq.

Peqqissaasut soraarniartorpassuaqarnissaa siulittuutigaat 

Naalakkersuisut Peqqissutsimut pisortallu peqqinnissaqarfimmi pissutsit pillugit massakkut allannguisoqarnissaanut iliuusissaqarallanngillat.

Taamaattumik aatsaat 2023-mi isumaqatigiinniartoqareerpat, peqqissaasut sulinikkut atugarissaat pillugit ullumikkutuut ingerlaannarnissaa isikkoqarallarpoq.

AAMMA ATUARUK Peqqissaasut suaaruteqarput: Pissutsit nukinginnartooqqapput

Aalajangerneq PK-p kissaatigisaata akerlerluinnaa:

- Ajornartorsiutit iluarsineqarnissaat tullianik isumaqatigiinniarnermut kinguartissallugit piviusorpalaanngilluinnarpoq. Massakkorpiaq annertuumik alloriartoqanngippat tulliani isumaqatigiinniarnermi peqqinnissaqarfimmi sulisunik isumaqatigiinniaqatissaqangaarnavianngilaq, Ken Jensen akissummi KNR-imut allappoq.    

Ilutigalugu uparuarpaa corona ajornartorsiutaajunnaarpat peqqissaasut peqqinnissaqarfimmilu sulisut allat tatineqarnerat qaangiunnavianngitsoq.

Tassami massakkorpiaq misissuinerit passussinerit katsorsaanerillu kinguartinneqartut amerlaqaat, taamaattumillu utaqqisorpassuaqarpoq tunillaasornerujussuaq qaangiuppat suliarineqartussanik.  

Tassa peqqinnissaqarfimmi sulisut anisaartorfissaqangaanngillat tullianik katsorsaanissarsuarmut aallartitsinnatik.

Politikerit akisussaafitsik qimarratigaat 

Ken Jensenip aamma Naalakkersuisut sakkortuumik isornartorsiorpai, isumaqarami pingaarnermik akisussaasuusut peqqinnissaqarfiup ajutuuinnginnissaanut:

- Peqqinnnissaqarfik politikerit akisussaaffigaat. Peqqinnissaqarfiup pisortaasa kisimiillutik aningaasaqarnikkut, piviusuni pisariaqartitsinermik tapersersuinngitsunik, akerleriinnernik ajornartorsiutinik aaqqiinissaannik utaqqiinnarneq tassaavoq akisussaaffimmik qimarratiginninneq ajornerpaaq, Ken Jensen allappoq.

PK naapertorlugu peqqissaasunik tatisineq ima annertutigaaq, ilaasortat arlallit oqaluttuarsimapput kukkuluttortarsimallutik, ajornerpaaffiini napparsimasup inuuneranik akeqarsinaasumik.

Ilimagineqarpoq peqqissaasunik isumaqaatigiinniarnerit 2024-mi naammassineqassasut.