Pele Brobergip peqqissaasut ilungersortut qujassuteqarfigigai

Nunatsinni peqqissaasut sulinerminni atugarisaat ilungersunarluinnartumik inissisimapput. Sulisoqarniarnikkut suliassanillu malinnaaniarnermikkut ima ilungersunartorsiortigilersimapput, allaat napparsimasup inuuneranik naleqarsinnaalluni. Peqqissaasut kattuffiat taama ullumi nalunaarpoq.

Sapinngisamillu suliassanik oqilisaassiniarlutik siunertaqartut, peqqissutsimut naalakkersuisuugallartup aappaa, Naleqqameersoq, Pele Broberg oqarpoq.

- Qujassuteqarluta ersarissumik taassavarput, ulluinnarni atugassarititatik imaanngikkaluaqisut, napparsimaveqarfik suli napatimmassut. Apuussaat paasisinnaakutsoorlugu naammaginanngitsutut nalileraat taassavara. Qujamasoqaagut naak atugassarititaasut taama ajortigisut, ajortigerpaluttut, Pele Broberg oqarpoq.

AAMMA ATUARUK Peqqissaasut suaaruteqarput: Pissutsit nukinginnartooqqapput

Peqqinnisssamut naalakkersuisoq, Naleqqameersoq Kirsten Fencker, uippakajaarneq peqqutigalugu sulinngiffeqarpoq. Naalakkersuisut marluk, IA-emeersoq Mimi Karlsen aamma Naleqqqameersoq Pele Broberg tassuna paarlattaapput.

Peqqissaasut suliaminnik artukkerneqarsimanerat annikillisinniarlugu Naalakkersuisut iliuuseqarnertik oqaatigaat.

- Inersuussutit malillugit allannguereernikuukuuvugut, takoriissajunnarsivarsi testererujunnersuaq qimanniarsarigatsigu periarfissinniarlugit peqqinnissaqarfimmiittut napparsimasut piffissaqarfiginiassammagit, Pele Broberg oqarpoq.

Suliaqarnerunerannulli sulinngiffeqarnerutitsinissamik neriorsuisinnaanngitsoq

Dronning Ingridip napparsimmavissuani sulisut suliassanut angummassinnaannginnerat peqqutigalugu avataaniit ikiortissanik tikittoqartarpoq. Sulisooreersullu ulapittangaarmata atorfinerlaat ilitsersuunneqarnissaannut piffissaqarneq ajorput. Tamannalu napparsimasumut arlalitsigut kinguneqarsinnaasoq, peqqissaasut kattuffiata erseqqissatigaa.

Tamannali taamaaginnartussatut Naalakkersuisoqarfimmiit isigineqaannassanerluni?

- Pissutsit piviusunik aallaaveqartunik apuussivigineqarpugut, pissutsit qanoq ingerlanersut. Taamaammat ikiuiniarnerput oqilisaaniarnerput aamma piuassaaq. Peqqissaasut napparsimasunut piffissaqarsinnaanissaat qulakkeerniarlugu.

Peqqissaasut ukiuni kingullerni  marlunnik sulinianerat unammillernartummik inissisimalerpoq. Tassami nunarsuaq tamakkerlugu nualluut tuniluuttoq nunatsinni peqqinnissaqarfimmi aamma artukkiingaatsiarmat.

Tamannalu peqqissaasut kattuffianniit aaqqiivigineqarnissaa noqqaassutigineqarpoq soorlu sulinngiffeqartitaanerunikkut immaqaluunniit isertitatigut qaffaavigineqarnikkut.

Tamannali oqartussat akisussaaffik tigorussunngilaat.

- Kingullermi aamma takugatisigit politikerit akuuniarsarigaluarmata allat akissarsiaannut tunngatillugu akissarsiaannik qaffaarusunnerat qanoq ajornakusoortigileriataartarnersoq, taamaammat taakkununnga tunngasortai pulaffigivallaassanngilakka.