Aligoqqik nunatsinneersoq nunarsuarmut
Aatsitassanut Pisortaqarfik Nunattalu aallartitaqarfia ulluni makkunani EU-mik ataatsimeeqateqaleruttorput aligoqqit nunatsinneersut tuniniarneqarnissaannut sinaakkusersuiniarlutik.
Allattoq Najaaraq Egede
oktobarip 22-at 2008 16:19
Kimberlite Process, Kattuffiuvoq nunanit aligoqqinik tuniniaaniartunit pisinnaatitaaffinnik tunisisartoq. Kimberlite Process EUmi inissisimavoq. Maannakkullu inatsisitigut sinaakkutaasinnaasut qanoq piareersarneqassanersut misissorneqalerpoq.
Kattuffiup saniatigut nunatta naalakkersuisa akuersissutigisussaavaat kattuffimmut ilaasortanngorniarneq, nunarsuatsinni arnat pinnersaatigerusutaannik tuniniaasoqalissanersoq. Sisimiut Maniitsullu akornganni aligoqqeqartoq ilisimaneqareerpoq, qaquguli piiaaffimmik pilersitsisoqassanersoq oqaatigineqarsinnaanngikkallarpoq.
