VIDEO Aleqa tusagassiortunik katersortitsilerpoq
![](/sites/default/files/styles/image_934x467/public/oembed_thumbnails/2022-12/jW0AJEhKyJZV0YJ_xB-cFYZ9rlP6PZ0ODbyl6zQYTEA.jpg?itok=ZOWZ7Bz-)
Inatsisartut kukkunersiuinermut ataatsimiititaliaata siulittaasua, Kristian Jeremiassen KNR-imut ullumi oqarpoq, Naalakkersuisut siulittaasuata aningaasanik atornerluisimanera inatsisinik unioqqutitsinerusoq, tamannalu arlaatigu kinguneqartinneqartariaqartoq oqaatigalugu.
Inatsisartut kukkunersiuinermut ataatsimiititaliaata taama nalunaarnera tunngavigalugu, Naalakkersuisut siulittaasuat, Aleqa Hammond immikkut ittumik tusagassiortunik katersortitsinialerpoq ima oqaasertaqartumik nalunaaruteqarlutik.
'Naalakkersuisut Siulittaasuat, Aleqa Hammond immikkut ittumik tusagassiortunik aggersaavoq, Namminersorlutik Oqartussat tusagassiortunik katersuuttarfianni, arfininngornermi 27. septembari 2014 nal. 18.30. Katersortitsinermi Inatsisartut Kukkunersiuinermut Ataatsimiititaliaata tallimanngornermi unnukkut nalunaarutaa tunngavigineqassaaq'.