Aleqa tunuarpoq
![](/sites/default/files/styles/image_934x467/public/article_images/aleqa_hammond_april_13_3_0.jpg?itok=O7Zh3dX7)
Aleqa Hammondip, partiip siulittaasuatut tunuarniuteqarluni nalunaarutaa ullumikkut immikkut ittumik Siumuup siulersuisuunerisa ataatsimiinneranni eqqartorpaat.
- Aleqa Hammondip partiip siulittaasuatut tunuarniutaa akueralugu Siulersuisuunerit tiguaat, aalajangerlutillu malittarisassat naapertorlugit immikkut ittumik ataatsimeersuartoqarnissaata tungaanut partiip siulittaasuata tullia siulleq, Jørgen Wæver Johansen siulittaasuugallartutut partiimi atuutissasoq, partiip malittarisassai naapertorlugit immikkut ittumik ataatsimeersuarnissap tungaanut. Taamaalilluni aamma malittarisassat naapertorlugit Karl Kristian Kruse ataatsimeersuarnissap tungaanut Siumumi Siulittaasup tulliutut siullertut inissikkallassalluni.
- Siulersuisuunerit ilanngullugu nalunaarutigissavaat Naalakkersuisuni siulittaasuugallartumut Kim Kielsenimut tamakkiisumik tunuliaqutaanertik.