Aleqa pillugu nukingiussamik ataatsimiinneq
Ataatsimiititaliap siulittaasua, Siumumeersoq Kristian Jeremiassen, KNR-imut arfininngormat oqarpoq, tamanna pissutigalugu atatsimiititaliaq piaarnerpaamik ataatsimiigiaqqussallugu.
- Taanna ersarissartariaqarparput, qularnanngereerpoq inatsisinik unioqqutitsisoqarsimasoq. Pisortami aningaasaataat taamaaliinnarlugit atorneqarsinnaaneri pissusissamisuunngilaq, Inatsisartut Kukkunersiuinermut Ataatsimiititaliaata siulittaasua, Kristian Jeremiassen, arfininngormat taama oqarpoq.
Naalakkersuisut siulittaasuata Aleqa Hammondip Nunatta karsianit aningaasanik atuisimasimaneranik ataatsimiititaliaq isornartorsiuivoq, taamatullu atuisoqarsimanera inatsisinik unioqqutitsinerusoq, siulittaasup naqissuserpaa.
Naalakkersuisut siulittaasuata aningaasanik nammineq piginngisaminik atuisimanini uppernarsarpaa, namminerlu kukkuneralugu oqaatigalugu, inatsisinilli unioqqutitsineragaanini ilumuunnginnerarpaa.