Aleqap Mette Frederiksen ataatsimeeqatigigaa
Siumut tusagassiuutinut taama nalunaaruteqarpoq.
Siumut aamma Socialdemokratit qinersivimmi tulliuttumi matumani teknikkikkut aamma suleqatigiissasut, Folketingimi ilaasortat taakku marluk ataatsimiinnerminni isumaqatigiissutigaat. Doris Jakobsenip Folketingimi ilaasortaanerani partiit taakku taama suleqatigeereerput, taamaalillutillu suliani arlalinni ataatsimoortumik sammiveqartarlutik.
Aamma atuaruk Aaja aamma Aleqa Lars Løkkemik oqaloqateqarput
Aleqa Hammondip Mette Frederiksenimik ataatsimeeqateqarnermini Siumup suleqatigiinnissamik kissaatai arlallit saqqummiuppai, taakkualu Socialdemokratit siulittaasuata eqqarsaatigissavai. Taava kissaatigineqartut tamakkua Siumup siulittaasuanit, Kim Kielsenimit, kingusinnerusukkut ataatsimeeqateqaruni oqaloqatiginnissutigissavai.
Suleqatigiinnissami kissaatigineqartut apuutsinnagit Mette Frederiksenip Nunatsinnut tikeraarnissaanik kissaatini Aleqa Hammondip oqaatigaa.
Siumup Christiansborgimi sinniisortaava aamma Lars Løkke Rasmussenimit aqagu ullaakkut Danmarkimi qulingiluanut ataatsimiigiaqqusaavoq, naalakkersuisunngortitsinissamut tunngasunik oqaloqatigiissallutik.