Aleqa Hammondip sulisorisimasani isumaqatigiissuteqarfigigaa
Siumup partiiata allatsigisimasaa, Kenneth Rasmussen, KNR-imut taama ilisimatitsivoq.
Suliatigut peqatigiiffiata, Lederne, Aleqa Hammond siuliassanngortissimavaa, tamannalu isumaqatigiissuteqarnermik maanna inerneqarpoq, politikeri Kenneth Rasmussenimut 11.000 koruuninik akiliuteqarluni.
Aningaasallu taakku akissarsiatigut, angalanermut sulinngiffeqarnermullu 21.839 koruuninik Kenneth Rasmussenip suliatigullu peqatigiiffiata piumasaqaatigisaata affaata missiliorpaat.
AAMMA ATUARUK Aleqa Hammond eqqartuussivimmut suliassanngortinniaraa
Kenneth Rasmussenip suliaq pillugu KNR-imut oqaaseqarnissani kissaatiginngilaa.
Kenneth Rasmussenilli Ledernenilu eqqartuussissuserisuata mailikkut allaqatigiinnerat, KNR-ip pissarsiarisimasaa naapertorlugu, Ledernenimi eqqartuussissuserisup Aleqa Hammondillu eqqartuussissuserisuata isumaqatigiissuteqarnissaq isumaqatigiissutigisimavaat.
Kenneth Rasmussenip Siumup partiiata Folketingimi allattaatut qaammatini qulingiluani sulereerluni 2016-imi maajip qeqqani soraarsitaanerata kingorna illuatungeriit saqitsaannerat pilerpoq.
AAMMA ATUARUK Aleqa pisortarlu aaqqiagiinngitsut
Allattaasimasup Aleqa Hammondillu ilaatigut Arctic Winter Gameseqartoqarneranut atatillugu Nuummut angalaneq isumaqatigiinngissuteqarnerat tamatumunnga pissutaavoq.
Aleqa Hammond suliaq pillugu oqaaseqartissinnaasimanngilarput.
Politikerip eqqartuussissuserisuata suliaq oqaaseqarfigerusunngilaa, oqaaseqarfigineqarnissaanullu Aleqa Hammondimut innersuussilluni.
AAMMA ATUARUK Kreditkortimik atuineq pillugu allaaserisat tamaasa
AAMMA ATUARUK Overblik over Aleqas økonomi-sager