NALUNAARUSIAQ Aleqa Hammond: Inuttut pisinnaatitaaffinnik unioqqutitsineruvoq

Inuttut pisinnaatitaaffiit pillugit Ilisimatusarfiup kalaallit Danmarkimiittut inuuniarnikkut atugaannik qanorlu pineqarnerannik misissuilluni nalunaarusiaa ippassaq saqqummersinneqartoq oqaaseqaateqarfigalugu Aleqa Hammond taama isumaqarpoq.

Nalunaarusiami inerniliussat ilagaat kalaallit tallimaagaangata ataaseq inuiaqatigiinni danskini aammalu pisortat sullissineranni ukiup kingulliup iluani nakkarsagaanermik immikkoortitaanermillu misigitinneqarsimasut.

AAMMA ATUARUK Kalaallinik Danmarkimiittunik assigiinngisitsisoqarpoq

- Naalagaaffimmi innuttaasorisanik innarliineruvoq immikkoortitsinerullunilu, tamannalu ima ilungersunartigaaq danskit naalakkersuisuinit qanorluunniit akuersaaginnarneqarsinnaanani, Aleqa Hammond taama oqarpoq.

Aamma Aaja Chemnitzip nalunaarusiami inerniliussat ajuusaarnartippai, peqatigisaanilli aamma pingaartutut isigalugit, kalaallit Danmarkimiittut qanoq pineqartarnerat siullerpaamik taama sukumiitigisumik misissuiffigineqarmata.

AAMMA ATUARUK Kalaallit Danmarkimiittut inuiattut ikinnerussuteqartutut inissisimalissanersut oqallisigineqartariaqarpoq