Politikki

Aleqa: Erfalasutta amuneqartalernissaa ataqqinninnermik takutitsineruvoq

Danmarkimi pisortat suliffeqarfiisa Kalaallit Nunaata Savalimmiullu tamarmik immikkut ullorsiorneranni Kalaallit Nunaata erfalasuanik Savalimmiulluunniit erfalasuannik erfalasulertalernissaat, Danmarkip ministeriunerunerata Lars Løkke Rasmussenip aalajangernikuuaa, tamannalu Lars løkke Rasmussenip ippassaq pingasunngornermi ilasseqatigiittoqarneratigut malunnartinniarpaa.

Allattoq Karsten Sommer

marsip 17-at 2016 06:34

Nutserisoq Mads Lynge

Siumut sinnerlugu Folketingimut ilaasortaq Aleqa Hammond najuuppoq. Pisortat suliffeqarfiisa Nunatta Savalimmiullu ullorsiorneranni Nunatta Savalimmiormiulluunniit erfalasuannik erfalasulertalernissaannik peqqussut Aleqa Hammondip nuannaarutigaa, tassa pisortat suliffeqarfiisa Danmarkimi nunaniluunniit allani suliffeqarfiini erfalasulertalernissaat siunniunneqarmat:

- Ajunngisaarneruvoq nuannersoq. Ullumi ulloq oqaluttuarisaanermut pingaaruteqarpoq. Kalaallit Nunaata Savalimmiullu naalagaaffeqatigiinnermut kunngeqarfimmullu pingaaruteqassusaannik takutitsineruvoq, nunanullu allanut tunngasunut politikkikkut siunissami takuneqarsinnaassasoraara, Aleqa Hammond ilaatigut oqarpoq.

Aamma atuaruk Erfalasulisaarfissat pillugit ilassinninnermut peqataajumanngitsoq

Savalimmiormiut neriniartarfiutaanni KOKS-imi Københavnimi ilassinnittoqarpoq.

Danmarkimi naalakkersuisut sinniisaannik ilasseqatigiinnermi peqataasoqarpoq, soorlu aamma Folketingip siulittaasua Pia Kjærsgaard, Kalaallit Nunaatalu Savalimmiormiullu suliffeqarfiinit aamma peqataasoqartoq.