Akunnittarfinni unnuisut amerleriaateqartut

Nunatsinni akunnittarfiit ingerlalluarput. Nunatsinni akunnittarfimmi unnuinissamik apriilimi, maajimi juunimilu pisisut 24.595-iusimapput. Tamannalu 11.3 procentimik siuariaateqarneruvoq. Naatsorsueqqissaartarfiup kisitsisinik nutaanik pingasunngornermi saqqummiussaani tamanna eresrpoq.

Nunatsinni akunnittarfinni unnuisarnerit katillugit 64.821-usimapput. Tamannalu ukiup siuliani taamaalineranut naleqqiullugu 14 procentik siuariaateqarfiuvoq. Agguaqatigiissillugu inuk ataaseq ullut 2,7 akunnittarfimmi unnuisarpoq, Naatsorsueqqissaartarfik taama allaaserisaqarpoq.

Akunnittarfinni unnuisut 56,1 procentii nunatsinneersuupput, 22,3 procentit Danmarkimeersuullutik sinnerilu 21,6 procentit nunanit allaneersuullutik.

Unnuinermik naatsorsueqqissaarneq unnuisarfiit 45-t suleqatigalugit qaammatikkuutaarlugit nalunaarsuisarnerannit tunngaveqarpoq.