Akoorutissat palersaatineersut Hawaiimi koraalinik mingutsitsisut
Immikkut ilisimasallit Hawaiip kippasissortaani kangerliumanernik misissuereerlutik taama inerniliipput. Nutaarsiassaqartitsivik AP taama allaaserisaqarpoq.
Akoorutissaq oxybenzonemik taaguutilik aatsaat taama annertutigisoq tassani nassaarineqartoq, immikkut ilisimasallit uuttortaanerminni paasivaat.
Kangerliumarngit akoruutissamik oxybenzonemik mingutsinneqartut USA-mi oqartussat qummut killiliussaannut naleqqiullugu 250-eriaammik mingutsinneqartut oqaatigineqarpoq.
Inuit nalunnguaariartarfiisa nalaanni uuttortaasoqarmat taama mingutsitsisoqartoq, immikkut ilisimasallit ilimagaat.
Akoorutissat tamakku koraalinut ikkanninnguunnikunik uumassusilinnillu mingutsitsisutut pasineqarput.
Palersaatit solcremet Hawaiimi siorna inerteqqutigineqalerput, inerteqqulli 2021-mi atuutilersinneqassalluni.
Silalli pissusiata allanngoriartornera suli ajornartorsiutaanerpaavoq.
Immat kissakkiartornerat koraalit ikkanninnguunnikut asinngariartornerannut pissutaasut nunarsuarmi tamarmi ilisimaneqartoq, koraalit ikkanninnguunnikut pillugit suliniummi aqutsisoq Lindsey Kramer, Eye on the Reefimeersoq, oqarpoq.
